Wallon - Walon - Li prince Lôrant èt Raoul Èdebouw

écrit par ReneDislaire
le 13/05/2020
Raoul Hedebouw - Profil facebook

Le prince Laurent et Raoul Hedebouw - Walon - Wallon - Li prince Lôrant èt Raoul Èdebouw
C’èst l’prince Lôrant k’a dècidé d’aler en Libiye rikèri sès miliyons. Ca il èst sèré, i n’a pus pont d’ovradje.
- N’alez nin to seû, distèle li princèsse Claire, vos n’estoz nin n’impôrte kî.
Èt vlà Lorant k’è va avoû… Raoul Èdebouw. On dèputé, ça sé drovî dès uches, èt keski dji n’freus nin po on p’tit ovrî, a-t-i dit Raoul, ki s’è vneût mâ do prince.

Aïe, mès vla l’èlicoptère ki c’èst Raoul ki l'minéve ki toume en pane.
Treûs djoûrs o Sahara sins magnî ni beûre.
Dès bédwins lès ont trovés : vinoz avoû nos-ôtes.
Lès vlà dins one oasis. Li lucse. One douche èt dès novês mousmins, dès djèlabas.

- Po sèye bin vèyou, disti l‘prince â Raoul, dji vons prinde on nom d’arâbe, mi ça sèrè Mohamed Ikbèn èl Gotha.
- Mi dj’a mès convicsions, disti Raoul, dji m’loume Raoul, dji n’vous nin kandjî.

Èt lès vlà o’l l’tente di l’émir.
- Dji m’ loume Mohamed Ikbèn èl  Gotha.
- Dji m’ loume Raoul tot court.
- Enchanté disti l’èmir. Mi fré Mohamed, vinoz f’assîr su l’carpète ki m’poupa aveû r’çû come cadô d’â minisse Jean-Pierre Grafé i gna trente ans à Lîdje, one bèle carpète di mon tonton Tapis.

Èt i dit :
- Mossieû Raoul, vinoz f’assîr â kroupe avou mî âtour di l’tâfe.

Èt vlà deus sierviteûrs k’arivaient avoû des platôs, do kouskous avoû do moton èt do bon â magnî èt â beûre. Èt i sièrvaient noss’ Raoul :
- Tènoz Mossieû Raoul Tocour, disti l’émir. C’èst tot por vos.
- Èt mi, èt mi ? disti l’l’prince Lorant k’èsteût â lon su’l'costé!
- Mi fré Mohamed Ikben èl Gotha, disti l'èmir, d’j'a idée ki vos avoz roûvyî ki c’èst l’ramadan. Vos, vos av' one carpète po dire vos priéres.

 

René Dislaire ©  Houffalize, le 13 mai 2020

 

 

  • Raoul Hedebouw - Profil facebook
45 lectures
Portrait de ReneDislaire
René Dislaire